Dalan KRL Yogya-Solo Arep Didawakake Nganti Madiun

KLATEN, Detak Berita – Kementerian Perhubungan ( Kemenhub) ngrencana-ake dalan kereta rel listrik ( KRL) kang nyambungke Yogyakarta lan Solo didawakake nganti  Madiun, Jawa Timur.

Juru Wicara Kementerian Perhubungan Adita Irawati kandha wacana nambah dalan KRL iku kanggo jangka wektu dawa.

 “Wingi pancen wis ana wacana. Merga kita uga pengen mikirke iki nganti uga ora mung saka Jogja ngetan nanging uga ngalor. Iki mesthine rencana jangka dawa,” kandhane Aditia ing Stasiun Klaten, Jawa Tengah, Senin (1/3/2021).

Nanging, saiki Kemenhub isih fokus pangembangan KRL liwat  Yogyakarta-Solo.

“Saiki kita fokus dhisik kanggo Jogja-Solo banjur nglakok-ake  evaluasi lan usulan rakyat minangka  panganggo  KRL iki,” dheweke kandha.

Sadurunge dikabarke, Presiden Joko Widodo ngresmekake operasional Kereta Rel Listrik (KRL) liwat Yogyakarta-Solo ing Senin (1/3/2021).

Ing paresmen kang dianakake ing Stasiun Tugu, kutha Yogyakarta iku, Jokowi kandha KRL iki nduweni daya lelungan kang luwih cepet lan apik gawe lingkungan.

“Bismillahirrahmannirrahim, dina iki dak resmekake KRL liwat Yogyakarta-Solo,” kandhane Jokowi kaya saka tayangan siaran langsung YouTube Sekretariat Presiden, Senin awan.

“Iki arupa sawijining moda transportasi massal kang apik gawe lingkungan. Mau aku uga diwenehi weruh yen KRL iki luwih cepet 10 menit  tinimbang (sepur) Prambanan Ekspress ( Prameks),” kandhane.

Sakliyane  iku, Kepala Negara uga kandha ongkos operasional KRL Yogyakarta-Solo luwih murah adoh.

“Iki sawijining efisiensi kang apik banget. Kang paling penting, KRL iki apik gawe lingkungan,” kandhane.

Jokowi ngarep, anane KRL kang lagi diresmekake iki bisa  nggampangke  wira-wirine rakyat saka Yogyakarta menyang Solo utawa sakwalike.

DB

Related posts

Leave a Comment