Semarang Banjir, Dina Iki Bandara Ahmad Yani Tutup Total

JAKARTA, Detak Berita – Bandara Internasional Ahmad Yani, Semarang, Jawa Tengah ditutup total dina iki, Sabtu (6/2/2021) merga banjir. Bandara arep dibuka maneh sesok, Minggu (7/2/2021).

Sekretaris Senior Manajer AP I, Gede Eka Sandi kandha Bandara Ahmad Yani arep buka maneh nglayani  angkutan panerbangan  sesok jam 06.00 WIB.

“Kita kabeh tutup bandara nganti jam 6 pagi sesok kanggo mestek-ake kaselametan lan keamanan panerbangan,” Eka kandha, Sabtu (6/2/2021).

AP I miturute lagi koordinasi karo pihak maskapai kang gandheng karo lelungane penumpang kang kaimbas panutupan bandara.

“Kanggo rincine kita kabeh nunggu kabar saka kanca ing Semarang, apa lan piye pananganan panerbangan  lan penumpange,” kandhane.

Panutupan dilakok-ake merga banyu isih  ngebaki  landasan pacu bandara imbas udan deres ing Semarang suwene 12 jam.

Sakliyane bandara, operasional Stasiun Tawang uga kaganggu. Sepur mandheg merga banjir. 

Banjir uga ngebaki sakbagiyan  titik ing ibu kutha Jawa Tengah iku.

Sadurunge pangelola bandara wis ngetok-ake  Notice to Airmen (NOTAM) Nomor: B0177/21 NOTAMN bab  RWY 13/31 tutup. Pangumuman iku kandha yen bandara ora mlaku sauntara nganti  jam 09.00 WIB jalaran banjir.

Banjur panutupan didawa-ake nganti jam 11.00 WIB merga banjir ing landasan pacu lan  daerah bandara durung garing. 

Siji panerbangan kang kaimbas panutupan iku, yaiku Garuda Indonesia GA 232 tujon Jakarta-Semarang, wis dipindah menyang Bandara Juanda, Surabaya.

Sauntara iku, pitu panerbangan liya ngalami delay utawa molor.

Mengkene daftare:

1. Batik Air ID 6362 tujon Jakarta-Semarang (Delay)
2. Batik Air ID 6350 tujon Jakarta-Semarang (Delay)
3. Nam Air IN 195 tujon Pangkalan Bun-Semarang (Delay)
4. Wings Air IW 1806 tujon Semarang-Pangkalan Bun (Delay)
5. Garuda Indonesia GA 235 tujon Semarang-Jakarta (Delay)
6. Batik Air ID 7369 tujon Semarang-Jakarta (Delay)
7. Nam Air IN 195 tujon Semarang-Pngkalan Bun (Delay)

DB

Related posts

Leave a Comment