Mendag: Lumpatan Rega Dhele Saiki Paling Dhuwur sajroning 6 Taun Pungkasan – Detak Berita

JAKARTA, Detak Berita  – Menteri Perdagangan (Mendag) Muhammad Lufti kandha, lumpatan rega dhele impor ing pasar donya kang saiki kedadean, ndadek-ake undhakan paling dhuwur kawit 6 taun pungkasan.

Dheweke kandha, kahanan iku ora ucul saka dhuwure panjaluk donya tumrap dhele. Ditambah maneh, bab iku uga disumbang karo kaganggune ekonomi donya lan cuaca ing negara-negara kang ngasilke.

 “Saiki iki rega dhele iku 13 dollar AS saben rumpun-e, lan iki rega paling dhuwur sajroning 6 taun pungkasan,” kandhane Lutfi sajroning konferensi pers kanthi virtual, Senin (11/1/2021).

Dheweke nerangke, negara-negara Amerika Latin, kaya Brasil lan Argentina, kang dadi salah siji kang paling gedhe ngasilke dhele ngalami gangguan cuaca jalaran fenomena La Nina. Ndadek-ake asil dhele uga kaganggu.

Ing sisih liya, Argentina uga ngalami aksi mogok kerja ing bagiyan panyebaran lan  logistik. Ndadek-ake melu ndawak-ake wektu pangiriman dhele menyang negara-negara importir.

“Ganguan cuaca jalaran La Nina ing Amerika Latin ndadek-ake teles ing Brasil lan Argentina, banjur saya nemen uga karo  Argentina kang ngalami mogok,” dheweke nerangke.

Panyebab liya dhuwure rega dhele yaiku dhuwure panjaluk dhele, kususe karo China. Lutfi kandha, nalika 2019-2020 kepungkur  China ngalami ama flu babi kang ngudu-ake dheweke kabeh ngilangke sak bagiyan gedhe ternak babi.

Nangin sawise  pulih saka ama  flu babi iku, China saiki wiwit  ternak maneh kanthi akehe kira-kira 470 yuta babi. Ing kono pakan babi dadi diatur kanggo njaga mutu, lan dhele dianggo dadi  pakan babi.

Asile, panjaluk dhele saka China menyang Amerika Serikat, kang uga dadi kang ngasilke dhelwe paling gedhe ing donya, mundhak saka biasane 15 yuta ton dadi 28 yuta ton.

“Maune panganan (babi) rak ora diatur, dina iki panganane diatur. Merga iku (akehe) babi kang gedhe, mulane meh mundhak tikel lorone panjaluk dhele saka China marang  AS sajroning jangka wektu kang cekak,” kandhane Lutfi.

Indonesia dhewe, dheweke nutug-ke, dadi salah siji negara kang ngimpor dhele paling gedhe. Sak orane 90 persen kabutuhan dhele  njero negeri dikebaki saka impor.

Merga saka iku, undhakan lumpatan rega dhele ing  pasar donya ngaruhi  banget rega dhele ing njero negeri. Rega dhele ing  pasar saiki kira-kira Rp 9.300- Rp 9.800 saben kilo, saka sadurunge  Rp 6.100- Rp. 6.500 saben kilo Maret-April 2020 kepungkur.

Senajan mengkono, Lutfi mestek-ake, pemerintah ngupaya-ake stabilisasi rega dhele lan njamin pasokan dhele  Indonesia tetep aman 3-4 wulan mengarep, ing tengah dhuwur-e panjaluke dhele ing pasar donya.

Miturut Lutfi, sajroning 100 dina mengarep dipestek-ake rega adol dhele dadi gedhene Rp 8.500 saben kilo. Bab iku saka kasepakatan antara importir karo tukang nggawe tempe-tahu kang dibiayai karo Kemendag lan Kementan.

“Dadi iki sawijining kapesten kang pancen kudu dimangerteni merga Indonesia ora duwe kacang dhele kang cukup, kita kudu bisa ngerti undhakan rega iku,” kandhane Lutfi.

DB

Related posts

Leave a Comment