Ana 17 Kacilakan ing Simpangan Sepur Wiwit Januari, PT KAI Ajak Warga Luwih Waspada – Detak Berita

JAKARTA, Detak Berita – PT Kereta Api Indonesia (KAI) Daerah Operasi (Daop) 1 Jakarta wis ndhata angka kacilakan kang kadadean ing simpangan sepur saka Januari ngangti September 2020.

Kecathet, ana 17 kacilakan kang kedadean ing sawetara dalan simpangan langsung ing daerah Jakarta.

“PT KAI Daop 1 Jakarta nyathet, wiwit Januari nganti September 2020 wis kedadean 17 kacilakan ing simpangan sepur”, kandhane Executive Vice President PT KAI Daop 1 Jakarta, Eko Purwanto sajroning katerangan kang ditrima, Rabu (14/10/2020).

Eko nerangke, sawetara ana kurban mati, tatu abot lan entheng jalaran kacilakan kang kedadean ing simpangan sepur  suwene sangang wulan iku.

“Data kurban mati ana uwong 4, tatu abot ana uwong 6, lan tatu entheng uwong 10”, kandhane Eko.

Eko nerangke, kacilakan ing simpangan dudu mung ngrugek-ake panganggo dalan, nanging uga KAI.

Karugen kang dikarepke kaya kasendhate mlakune sepur lan uga rusake sarana utawa prasarana pasepuran.

Kamangka, anane palang simpangan migunani kanggo ngamanke mlakune sepur supaya ora keganggu panganggo dalan liya kaya sepeda motor, montor, lan manungsa.

Bab iku ana sajroning Peraturan Pemerintah No 72 taun 2009 bab Lalu Lintas lan Angkutan Sepur pasal 110 ayat 4.

“Ndadek-ake panganggo dalan kang kudu di dhisik-ake dalan-e sepur. Mula saka iku palang simpangan utamane dianggo kanggo ngamanke mlakune sepur”, Eko nambahke.

Eko kandha, palang simpangan sepur kang ditambah karo petugas jaga lan uni sinyal dikarepke bisa dadi tanda pangendara lan uwong supaya ora liwat.

“Kanggo iku, pangendara lan uwong mlaku wajib mandheg nalika sinyal wis muni lan palang sepur wis wiwit ditutup”, kandhane.

Merga iku, PT KAI nggelar sosialisasi kanggo ngundhak-ake sadhare rakyat sajroning ngliwati simpangan ing telung titik yaiku JPL 17 Kemayoran, JPL 14 Bukit Duri lan JPL 11 Jalan Industri, Rabu iki.

Kagiyatan sosialisasi kang nggandheng instansi keamanan lan kang tresno sepur ana kang adum stiker lan masker.

Malah ana uga aksi njerengke spanduk imbauan lan teatrikal kang nampilke anane kaya-kaya kurban kacilakan ing simpangan.

“PT KAI Daop 1 Jakarta ngajak kabeh panganggo dalan supaya bareng-bareng  matuhi rambu-rambu kang ana lan luwih waspada nalika arep ngliwati  simpangan sepur”, dheweke mungkasi.

DB

Related posts

Leave a Comment