Wiwit 29 Maret, Bandara Adisutjipto Pindhah menyang Kulon Progo

Bandara Jogja Kulonprogo detakberita

Bandara Jogja Kulonprogo detakberita

KULON PROGO, Detak Berita – Presiden Joko Widodo (Jokowi) mestek-ake bandara Internasional Adisutjipto Yogyakarta dipindhah menyang Bandara Internasional Yogyakarta utawa Yogyakarta International Airport (YIA) ing Kulon Progo, Yogyakarta. Pindhahan iku 29 Maret mengko.

“Pindhahan kabehing ing pungkasan Maret, 29. Pengene kabeh pindhah”, tuture presiden ing selaning acara progres pembangunan bandara YIA ing Kabupaten Kulon Progo, Jumat (31/1/2020).

Kanthi pindhahan iki, mengkone YIA arep dadi lawang kanggo wisatawan. Pesawat kang duwe ukuran gedhe sak kelas airbus bisa ndarat, sauntara ing Adisutjipto kanggo pesawat werna ATR lan pesawat carter/sewan.

“Kang disisa-ake kari propeler, pesawat baling-baling”, kandhane Jokowi.

Bandara Internasional Yogyakarta bisa nampung penumpang nganti 20 juta uwong saben taun. Ing Adisutjipto suwene iki mung 8,1 yuta penumpang wae. Mengkono kanthi anane kalonggaran nganti 11 yuta, dikarepke bisa narik rute anyar. Kalebu penerbangan langsung internasional.

“Penerbangan anyar bisa nyedia-ake slot-slot marang panerbangan kang nggawa turis sak akeh-akehe”, kandhane Jokowi kanthi teges.

Kanggo diweruhi, Presiden Jokowi ndeleng proyek pembangunan bandara Internasional Yogyakarta (Yogyakarta International Airport/YIA) Kabupaten Kulon Progo dikancani karo Menteri PUPR Basuki Hadimuljono, Menteri Perhubungan Budi Karya Sumadi, Menteri Pariwisata lan Ekonomi Kreatif Wisnutama, lan uga Dirut PT Angkasa Pura I, Faik Fahmi.

Presiden ndeleng proyek pembangunan ing lantai III kang arep dadi lawang pintu kamangkatan. Terminal iki arep dianggo panerbangan domestik.

Ing lantai II kang dianggo kanggo operasional wiwit wulan Mei kepungkur arep dianggo kanggo panerbangan internasional.

DB

Related posts

Leave a Comment