Rega Lombok Rawit Nganti Rp 90.000 Saben Kilo-ne, Iki Kandhane Kementan

lombok rawit

lombok rawit

JAKARTA, Detak Berita – Rega lombok rawit mundhak dadi Rp 90.000 saben kilogram ing Pasar Kebayoran Lama, Jakarta Kamis iki (16/1/2020).

Agus salah siji bakul lombok ing Pasar Kebayoran Lama kandha, Minggu kepungkur rega lombok rawit nate nyampe Rp 80.000 banjur alon-alon rega wiwit mundhak  merga winatese stok ing pasar induk.

“Lombok rawit wis Rp 90.000 merga stok wis ora akeh ing pasar induk, apamaneh cuaca durung apik”, kandhane Agus.

Bakul lombok liyane, Asep uga kandha bab padha. Dheweke ngira-ngira rega lombok rawit bisa terus dhuwur merga dikira-kira isih kurang stok.

“Saka tanggal wiwitan wis larang jane, nanging katon-e minggu ngarep  uga durung mudhun”, kandhane.

Nanggepi rega lombok rawit kang saya dhuwur, Kepala Sub Direktorat (Subdit) Aneka Cabai dan Sayuran Buah Ditjen Hortikultura Kementan Mardiyah Hayati kandha pancen ing mangsa udan iki akeh daerah pusat lombok durung maksimal kanggo panen.

“Mangsa udan ngundhuh (panen) ora maksimal, banjur proses matenge lombok luwih suwe nganti akehe wektu ngundhuh suda, lan sak bagiyan daerah tandur mundur merga mangsa udan mundur”, ujare.

Senadyan mengkono dheweke ngira yen ora udan deres, kudune sawetara sentra lombok wis bisa panen maneh lan rega bisa mudhun ing Febuari 2020.

“Kira-kira Februari wiwit akeh panen”, ujare.

Sakliyane udan dheweke uga mbenerke kedadean banjir ing ngendi-ngendi daerah Indonesia uga ndadek-ake proses panyebaran  menyang bakul.

Miturut data Pusat Informasi Harga Pangan Strategis Nasional (PIHPS) ing Kamis (16/1/2020), rega pangan ing DKI Jakarta relatif stabil kajaba werna-werna lombok.

Lombok rawit abang saben kilo-ne rega Rp 90.000 mundhak Rp 5.000 saka dina sadurunge. Banjur rega lombok abang gede mundhak dadi Rp 88.350 saben kilo-ne kanng saka Rp 85.000.

Kanggo bawang putih ukuran sedengan mudhun dadi Rp 41.000 saben kilo-ne saka Rp 43.000, lan lombok abang keriting Rp 76.650 saben kilo-ne saka Rp 78.000.

Sabanjure werna-werna rega pangan liyane kaya beras kualitas medium I Rp 13.300 saben kilo-ne, beras kualitas medium II dadi Rp12.400 saben kilo-ne, beras kualitas super I dadi Rp 15.00 saben kilo-ne, lan lenga goreng curah Rp13.900 saben kilo-ne.

Banjur rega daging pitik ras seger regane Rp 34.570 saben kilo-ne, endhog pitik ras seger Rp 24.560 saben kilo-ne.

DB

Related posts

Leave a Comment