Suhu Panas ing Dina Tanpa Ayang-ayang, Warga Surabaya Dijaluk Akeh Ngombe Banyu

air putih1

air putih1

SURABAYA, Detak Berita – Warga Surabaya dijaluk akeh konsumsi banyu sak orane nganti 3 dina mangarep kanggo ngendani dehidrasi.

Amerga, suwene 4 dina kawit Sabtu (12/10/2019) wingi, suhu hawa mundhak luwih panas kusus-e ing wektu awan, jalaran fenomena kulminasi utama utawa dina tanpa ayang-ayang.

Suhu hawa ing Surabaya kira-kira mundhak saka 0,5 – 1 derajat celcius kusus-e nalika wektu awan jalaran kulminasi.

“Warga dijaluk tetep njaga kahanan awak kanthi akeh konsumsi banyu putih,” kandhane Kasi Data lan Informasi BMKG Juanda, Teguh Tri Susanto, dikonfirmasi, Minggu (13/10/2019).

Kulminasi utama, dheweke kandha, dadi fenomena nalika srengenge pas ana ing  panggonan paling dhuwur ing langit. Nalika iku, srengenge ana ing titik zenit utawa pas ing dhuwur sirah.

“Ndadek-ake ayang-ayang sawijining barang ngadeg bisa katon ilang, merga numpuk karo barang iku dhewe, nganti ora katon ayang-ayang barang,” kandhane.

Teguh kandha, kulminasi utama yaiku fenomena rutin saben taun, lan rakyat dijaluk ora was-was lan lan kuwatir.

“Kulminasi utama kadadean rutin saben taun, dadi ora ana kang perlu diwedeni,” tambah-e.

Saka cathetan BMKG, sakliyane ing Surabaya, fenomena kulminasi utama uga kedadean ing sak bagiyan daerah ing Jawa Timur.

Ing Sabtu (12/10/2019), kulminasi utama kadadean ing Surabaya, Pamekasan, Sampang, Sidoarjo, Gresik, Lamongan, Bojonegoro lan Ngawi. Jumat (11/10/2019) ing Sumenep, Bangkalan lan Tuban.

Sauntara ing Minggu (13/10/2019) kadadean ing Situbondo, Probolinggo, Pasuruan, Mojokerto, Jombang, Kediri, Nganjuk, Madiun lan Magetan. Banjur ing Senin (14/10/2019) kadadean ing Bondowoso, Jember, Lumajang, Malang, Batu, Blitar, Tulungagung, Trenggalek, Ponorogo, nganti Pacitan.

DB

Related posts

Leave a Comment