Ana Daerah Duwe Daya Lindhu, Pemkot Surabaya ngEvaluasi RTRW

surabaya waru

surabaya waru

SURABAYA, Detak Berita – Pemerintah Kutha Surabaya arep ngevaluasi Peraturan Daerah bab Rencana Tata Ruang Wilayah (RTRW)  Surabaya  taun 2014-2034, merga ana sauntara panggonan duwe daya lindhu.

Wakil Wali kutha Surabaya, Whisnu Sakti Buana ing Surabaya, Jumat, 4/10/2019, kandha evaluasi RTRW iku salah sijine yaiku daerah kang di nggoni penduduk.

“Mengko arep ditetepke kanggo daerah (duwe daya lindhu) durung rapet panggonan kang di nggoni dadi  ruang terbuka hijau (RTH). Banjur, daerah kang wis rapet panggonan kang di nggoni arep ditetepke  standarisasi bangunan utawa SNI tumrap lindhu,” kandhane.

Miturut dheweke, evaluasi RTRW iku kang dasare saka asil penelitian Departemen Teknik Geologi Fakultas Teknik Sipil lan Lingkungan Institut Teknologi Sepuluh Nopember (ITS) Surabaya ing 2017, kang nyimpulke ana sauntara daerah Surabaya dilewati patahan aktif (sesar).

Bab iku, dheweke neruske, bisa ngaruh marang anane daya lindhu nganti 6.5 Skala Richter (SR) yaiku, patahan Surabaya lan Waru. Kalebu ing daerah Surabaya wetan daerah kampus ITS, lan daerah dalan HR. Muhammad ing Surabaya kulon.

Miturut Whisnu, butuh gage dilakokake pametaan werna-werna lemah kanthi pinuju kanggo ngatur tata ruang daerah. Saka pametaan iku bisa diweruhi undhakan gampang e sawijining daerah tumrap lindhu.

Sawise iku, Pemkot Surabaya mbiji  kualitas bangunan lan sifat fisik lemah ing daerah Surabaya. “Mulane  kita arep evaluasi maneh tumrap RTRW Surabaya. Asil panelitian iku kudu diantisipasi wiwit saiki,” kandhane.

Mesthine, dheweke neruske, Pemkot Surabaya arep nglebok-ake  asil panelitian ITS bab daya lindhu sajroning evaluasi RTRW.

Whisnu kandha yen panelitian kang wis lakokake ITS iku nganggo APBN, mulane taun ngarep Pemkot Surabaya arep nyurung kanthi APBD supaya panilitian-e luwih jero maneh.

DB

Related posts

Leave a Comment