Bab Muncratan Lenga Surabaya, Pemkot Ngenteni Kementerian ESDM

minyak surabaya

minyak surabaya

SURABAYA, Detak Berita – Pemkot Surabaya ngaku ora bisa tumindak akeh bab muncratan lenga lan banyu ing pekarangan omah warga Jalan Kutisari Utara III No 19. Pemkot ngenteni Kementerian ESDM cawe-cawe.

“Saktenane yen wis kaya iki rak tanggung jawab-e Kementerian ESDM,” kandhane Kepala BPB Linmas Kota Surabaya Eddy Christijanto ing panggonan muncratan, Jumat (26/9/2019).

Miturut Eddy, Dinas Lingkungan Hidup (DLH) Pemkot Surabaya wis ngirimke surat menyang Kementrian ESDM. Nanging nganti saiki durung ana putusan gandheng muncratan lenga lan banyu iku.

“Mau aku wis telepon Kepala Dinas Lingkungan Hidup. Kita wis kirim surat lan rembugan karo kementerian ESDM, nanging kandhane arep dirapatke, nanging nganti saiki durung ana (tumindak sabanjure),” Eddy kandha.

Sabanjur-e Eddy kandha, sajroning UU No 23 taun 2014 kandha, ora ana palimpahan kawenangan tambang, lenga lan tambang liyane. Saiki upaya saka Pemkot Surabaya mung nglumpuk-ake lenga campur banyu supaya ora amber menyang omah warga liyane.

Upaya iku dilakok-ake kanthi cara nglumpuk-ake lenga lan banyu menyang sajroning drim. Nganti saiki, wis ana puluhan drim kang isine kebak.

“Kudune saka Kementerian ESDM wis tumindak kanthi kahanan kaya ngene,” Eddy neruske.

Muncratan iku wiwit metu lan diweruhi warga ing Senin (23/9) jam 13.00 WIB. Ing dina kawitan material kang dimuncratke arupa lempung. Nanging ing dina sabanjure nganti saiki, muncratan iku luwih akeh ngetok-ake lenga campur banyu.

Kaya kang dikandha-ake Eddy, saiki ana rong titik muncratan ing panggonan kana. Sak klebat, lenga lan banyu kang diwadhahi drim ambune solar lan gas.

“Kang suwe, kang gedhe siji. Nalika iku ditutup karo sing duwe gak weruh-e metu maneh nanging cilik,” Eddy mungkasi.

DB

Related posts

Leave a Comment