Australia Pesen Waspada Wergane, Polisi Mestek-ake Surabaya Aman

sby aman

sby aman

SURABAYA, Detak Berita – Pemerintah Australia ngetok-ake kawaspadan marang wergane bab anane petunjuk serangan teroris ing Indonesia. Amerga kawaspadan iku, salah siji staf Konsul Jenderal ing Surabaya ora sida nekani acara kang diana-ake Unair, Kamis (23/8/2018) wingi.

Anceman iki arupa video kang asale saka pihak kang njenengke dheweke Divisi Peretasan ISIS. Video kang diarahke kanggo pemerintah Indonesia iku sumebar ing media sosial kawit wiwitan minggu iki iku isine anceman ISIS tumrap pemerintahan Presiden Joko Widodo.

Nanggepi anane rawan-e  kaamanan ing Indonesia, Polrestabes Surabaya uga mundhak-ake  kaamanan lan njamin kahanan kutha Pahlawan ing kahanan aman lan kondusif.

“Surabaya ana kahanan aman. Ora ana anceman teroris kang arep nglakok-ake serangan wujude apa wae,” kandhane Kapolrestabes Surabaya Kombes Pol Rudi Setiawan, Jumat (24/8/2018).

Rudi kandha pihak-e njamin kaamanan kabeh warga lan kabeh konsulat jenderal saka negara endi wae kang ana ing Surabaya.

“Dak jamin kaamanan kutha Surabaya kalebu kabeh wakil negara asing tanpa kajaba,” kandhane.

Dheweke uga mestek-ake  pihak-e uga wis ngundhak-ake pangamanan ing kabeh kantor lan omah konsulat jenderal kanthi nambah uwong lan patroli.

“Wis dak perintahke menyang jajaran ing ngisor supaya ing saben daerah-e kang ana kantor utawa omah konsul nglakok-ake patroli lan njaga dadi wujud menehi rasa aman kanggo werga asing ing Surabaya, kalebu panggonan lan objek penting liyane,” Rudi mungkasi.

DB

Related posts

Leave a Comment