Mangsa Ketiga, Warga ing Jombang Adus Banyu Rembesan

Adus Banyu Rembesan detak berita

Adus Banyu Rembesan detak berita

Warga ing Jombang Adus Banyu Rembesan

JOMBANG, Detak Berita -– Mangsa ketiga wiwit nerak Kabupaten Jombang, utamane ing daerah lor-e Kali Brantas. Kaya kang kedadean ing  desa Marmoyo, Kecamatan Kabuh, Kabupaten Jombang. Angele oleh banyu resik wis krasa kawit wiwitan Juli.

Sawetara sumber, kang nganggo pipa-pipa kangge diguna-ake banyune, meh kabeh garing. Kari sawetara wae kang isih ngilek-ake banyu, iku uga sithik. Panganggon  sumber diirit, mung kanggo konsumsi. Yen kabutuhan MCK (mandi, cuci, kakus) nganggo banyu rembesan ing jeglongan ngisor Kali Marmoyo.

Kasmini, warga kana ngaku kawit tengah-tengah Juli saben dina dheweke kudu antri supaya oleh kabutuhan banyu resik saka sumber kang disalur-ke liwat pipa.

GoTravelKita.com

“Kudu antri suwe, merga banyu kang metu saka pipa uga sithik. Siji uwong wae butuh wektu kira-kira 30 menit kanggo ngebaki siji jeriken banyu”, kandhane Kasmini, Rabu (1/8/2018).

Kanggo kabutuhan MCK (mandi, cuci, kakus), warga wiwit ngandalke jeglongan ing ngisor kali Marmoyo kang garing, dijupuk banyu rembesan-e.

Kanthi sangu ember banyu, sawetara warga kawit esuk wiwit antri njupuk turahan banyu saka bolongan cilik kang garis tengah-e 50 sentimeter kanthi jeru 60 sentimeter.

“Nanging bolongan banyu iki uga mung ana sawetara wae, lan banyune wiwit buthek. Merga iku warga kudu sabar nunggu kanthi antri lan nganti banyu katon resik”, Mujiono nambahke.

Mujiono, Kasmini lan warga liyane pengin supaya Pemkab  Jombang nggolek-ake dalan metu tumrap kahanan mangsa ketiga kang saben taun nerak desa Marmoyo iku.

“Kita kabeh njaluk dibangun sumber kang luwih pantes lan akeh. Kita kabeh uga wis njaluk kiriman banyu saka pemkab”, panjaluke Mujiono, diamini warga liyane.

Kepala Badan Penanggulan Bencana Daerah (BPBD), Abdul Wahab, ngakui ana tanda pitung desa ing Kabupaten Jombang wiwit kangelan banyu resik. Pitung desa iku yaiku desa Kromong, Kecamatan Ngusikan; desa Sumberjo, Kecamatan Wonosalam; desa Kedunglumpang Kecamatan Mojoagung. Banjur  desa Ngrimbi, desa Pakel lan desa Karangan (katelune ing Kecamatan Bareng), uga Desa Marmoyo, Kecamatan Kabuh.

Data pitung desa iku, miturut Abdul Wahab, yaiku desa-desa kang arep diajok-ake oleh bantuan banyu resik saka PDAM.

“Nanging pancen durung ana panjaluk saka desa. Yen wis ana mesthi kita ajok-ake supaya dikirim. Merga syarat-e kudu ana panjalukan saka desa”, kandhane Wahab.

DB

 

Related posts

Leave a Comment