Udan Watu Kedadean Ing Pucuk-e Gunung Rinjani

gempa-nusa-tenggara-barat-gunung-rinjani-longsor

gempa-nusa-tenggara-barat-gunung-rinjani-longsor

Udan Watu Kedadean Ing Pucuk-e Gunung Rinjani

SEMBALUN, Detak Berita — Sawetara pendaki ngaku kedadean udan watu lan longsor ing sakdawane dalan pendakian menyang Gunung Rinjani, Lombok nalika kedadean lindhu 6,4 Skala Richter nggoyang. Saiki sak bagiyan gedhe saka dheweke isih ana ing dalan pendakian.

Salah sijine porter, Muhsan (40) kandha, nalika kedadean gempa gedhe, ana 500 wisatawan lagi ana ing dhuwur pos Sembalun Lawang, sadurunge panggonan menyang pucuk Gunung Rinjani. Malah akeh wong munggah kang tiba jalaran saka geteran.

“Dheweke langsung mlayu nyelamatke awak. Wis ora ana kang ngurus kanca”, kandhane, Minggu (29/7/2018).

GoTravelKita.com

“Kabeh dalan wong munggah wis ketutup longsor lan wis angel diliwati. Aku ora eling pirang titik kang kedadean longsor merga saka dhuwur uga kedadean udan watu”, Muhsan nambah-ake.

Sauntara iku, pendaki asal Bayan, Kabupaten Lombok Utara, Ahmad kandha, ana luwih saka atusan pendaki lagi ing dhuwur Gunung Rinjani nalika kedadean lindhu.

“Kabeh langsung mudhun menyang ngisor merga ing dhuwur kedadean lemah longsor karo tibane watu-watu”, kandhane.

Nanging, dheweke ngaku ora meruhi kanthi mesthi. Apa pendaki kang ana ing dhuwur Gunung Rinjani wis mudhun kabeh utawa ora. Merga pas weruh ana lindhu para pendaki langsung mudhun karo mlayu.

“Lha yen bab iku aku ora sepira weruh tenan. Merga kabehe pendaki wae ana atusan ing dhuwur, ana saka njaba negeri lan njero negeri”,  Ahmad mungkasi.

DB

Related posts

Leave a Comment