Udan Deres ing Gunung Kidul, Wit-wit Ambruk Kabeh, Motor Kintir Kegawa Banjir

banjr g kidul

banjr g kidul

YOGYAKARTA, Detak Berita –   Udan deres kang nyiram daerah Gunung Kidul, Yogyakarta, ndadek-ake banjir lan wit ambruk ing sawetara panggonan. Ora ana kurban, nanging  kerugen dikira-kira nganti puluhan yuta rupiah. Kepala Seksi Kedaruratan lan Logistik Badan Penanggulangan Bencana Daerah (BPBD) Kabupaten Gunung Kidul Sapto Wibowo kandha, nganti saiki data kang mlebu ana pitu titik bencana wiwit saka banjir nganti wit ambruk. Wit kang dhuwure wolung meter kanthi garis tengah 40 sentimeter ambruk ing tengah dalan Yogyakarta-Wonosari ing Putat, Patuk, Gunung Kidul, lan sempet ndadek-ake kendaraan kang liwat keganggu. Sakliyane iku, ing SMK Muhammadiyah I Patuk, Gunung Kidul, tembok kang dawane 16 meter kanthi dhuwure 2 meter duwe-ke sekolah ambruk.

Sauntara iku, omah duwe-ke warga kana kerendhem banyu kang dhuwur-e 20 sentimeter ing dusun Seropan, Desa Bejiharjo, Kecamatan Karangmojo. Ana TK ing desa Ngoro-oro, Patuk, uga kerendhem banyu. Pungkasan, banjir uga ngintir-ke sepeda motor siji, perahu siji, lan sawetara kayu gelondongan duweke warga ing dusun Jelok, Desa Beji, Kecamatan Patuk. “Kanggo saiki data ing lapangan isih mlaku. Kanggo data korban jiwa ora ana lan mung kerugen material,” kandhane  ditemoni ing Posko BPBD Gunungkidul, Senin (5/3/2018).

Diubungi kepisah, warga Jelok, Sukri, kandha, udan deres kang kedadean wiwit awan ndadek-ake banyu ing kali Oya mundhak. Warga wis nyegah kanthi ngamanke perahu. Nanging mengkono, banjir malah teka saka kali cilik kang pungkasan-e ing kali Oya. “Kanggo sepeda motor Supra kintir merga ditinggal karo kang duwe golek suket. Mengko kanggo ngangkat perahu ngenteni miline kali suda,” kandhane.

Koordinator Tim Reaksi Cepat (TRC) Gunungkidul Surisdiyanto, nambahke, saiki pihak-e mudhunke puluhan uwong TRC kanggo mbantu warga kang ngalami bencana. “Kanca-kanca langsung sumebar ing titik bencana,” dheweke mungkasi.

DB

Related posts

Leave a Comment