Bab Pangilangan Biaya Pangesahan STNK, Polisi Nunggu Arahan Pemerintah

stnk

stnk

JAKARTA, Detak Berita — Mahkamah Agung (MA) wis mbatalke aturan tarikan biaya administrasi pangesahan surat tanda nomor kendaraan (STNK).

Aturan iku ana ing sajroning lampiran No E Angka 1 dan 2 Peraturan Pemerintah Nomor 60 Tahun 2016 bab Jenis lan Tarif atas Penerimaan Negara Bukan Pajak kang mlaku ing Kepolisian Negara.

Ngrujuk Pasal 73 Ayat (5) UU No 30, pangesahan utawa fotokopi kang dilakok-ake badan utawa pejabat pemerintah ora oleh kena biaya utawa gratis.

Nanggapi bab iki, Kasi STNK Subdit Regident Ditlantas Polda Metro Jaya Kompol Bayu Pratama kandha, pihake ora bisa  langsung ngilangke biaya pangesahan STNK tanpa arahan pemerintah.

“Dadi ngene, putusan MA iku lagi metu ing website-e MA. Nah, mengkone pemerintah arep tumindak saka putusan MA iku, apa pemerintah mengko arep nyabut utawa arep menehi revisi,” kandhane Bayu, Kamis (22/2/2018).

Merga bab iku, dheweke neruske, nganti dina iki tarikan biaya pangesahan STNK isih dilakok-ake. Yen arahan pemerintah wis ditrima, pihake arep menehi info marang rakyat kabeh.

“Merga iki sifat-e nasional, Polda Metro ora langsung bisa tumindak, nanging kudu ana arahan pemerintah, banjur ana perintdah tingkat pusat, yaiku saka Korlantas (Korps Lalu Lintas) Polri,” kandhane.

Gugatan uji materi tumrap Lampiran No E Angka 1 lan 2 PP No 60 iki diajok-ake Noval Ibrohim Salim, warga Pamekasan, Jawa Timur.

Sajroning nimbang putusan mbatalke aturan iku, MA kandha yen kena pungutan pangesahan STNK ora cocok karo Pasal 73 Ayat (5) UU No 30 Tahun 2014 bab Administrasi Pemerintahan.

DB

Related posts

Leave a Comment