3 Murid SMK ing Rembang Nggawe Obat Nyamuk saka woh Kawis

Obat Nyamuk Buah Kawis detak berita

Obat Nyamuk Buah Kawis detak berita

REMBANG, Detak Berita – 3 murid SMK ing Rembang, kasil ngolah woh kawis dadi obat nyamuk elektrik kang ramah lingkungan. Asil karya iku uga kasil nyabet juara kapisan sajroning Lomba Artikel Ilmiah Remaja tingkat SMK Kesehatan sak Jawa.

Katelu murid iku yaiku Mitha Alviani (kelas X), Intan Afrida Zulfami (kelas XI) lan Zahrotun Nafisah (kelas XII). Katelune sekolah ing SMK Avicena, Lasem.

Zahrotun Nafisah kandha prinsip kerjane obat nyamuk kang digawe bareng kanca-kancane iku padha kaya obat nyamuk elektrik liyane. Tim-e mung nggawe kaya mat kang murni bahan dasar-e woh kawis.

“Kita nggawe  mat (isi ulang obat nyamuk elektrik) saka woh kawis, merga zat aktif ing njero-ne pancen ora disenengi, malah bisa ngeracuni nyamuk”, kandhane, Rabu (21/2/2018).

Miturut-e, dipilih-e who kawis merga duweni zat aktif kang bisa ngrusak sistem nafas-e nyamuk. Woh kawis dhewe luwih aman adoh kanggo manungsa tinimbang nganggo bahan kimia kang ngaruh tumrap kawarasan.

“Woh kawis gampang banget digoleki ing Rembang. Sawetara bahan liyane wis tau kita teliti, asil-e kawis kang paling penak kanggo manungsa, nanging ampuh mateni nyamuk. Dianggone kudu dipanaske kanthi cara dipepe. Yen nganggo oven, dikuwatir-ake zat aktif woh kawis-e rusak”, dheweke neruske.

Guru kang mbimbing katelu murid iku, Dyah Afi Nurlaeli, nambahke saka kaping 10 proses percobaan nganggo obat nyamuk kang bahan-e woh kawis iku, kaping 6 ing antarane kasil. Kangelan kang diadhepi yaiku nglumpuk-ke nyamuk kanggo bahan percobaan.

DB

Related posts

Leave a Comment