Gus Ipul Pengen Produk Tanggulangin Bisa Nembus Pasar Ekspor

Gus Ipul Ekspor Tas detak berita

Gus Ipul Ekspor Tas detak berita

SIDOARJO, Detak Berita — Calon Gubernur Jawa Timur Saifullah Yusuf -Gus Ipul- arep nggawa produk Jatim menyang pasar ekspor. Salah sijine nyurung produk kerajinan kulit Tanggulangin Sidoarjo.

Bab iku dikandha-ake calon gubernur Jatim nomer 2 nalika nekani produk kulit ing Koperasi Intako, Desa Kedengsari, Kecamatan Tanggulangin, Sidoarjo, Selasa (20/2/2018).

Miturut Gus Ipul, produk kulit kaya tas lan sepatu kang ana ing Sidoarjo tau ngalami wektu apik. Malah tau uga ngalami wektu peteng nalika ana bencana Lumpur Lapindo taun 2006.

“Produk kulit saka Tanggulangin iki ndadek-ake mongkog. Senajan wis ngalami wektu peteng, saiki alon-alon wis wiwit gedhe”, kandhane Gus Ipul.

Koperasi Intako, kandhane Gus Ipul, saiki lagi nggedhe-ake digital marketing, kanthi arepan gampang digoleki lan diakses karo rakyat. Sakliyane iku, ing panggedhene, Intako uga wis ngrancang one desain one product.

“Mangkane, perlu kita dukung utamane rakyat Sidoarjo dhewe, supaya tetep nganggo produk njero negeri. Sukur yen ana angkutan saka bandara utawa terminal menyang Intako”, tambah-e.

Gus Ipul pengen anane kerja bareng karo Intako yen mengkone kapilih dadi Gubernur Jawa Timur. Kerja bareng iku ora liya kanggo ngangkat produk asil njero negeri kang banjur  bisa di ekspor menyang njaba negeri.

“SDM perlu diundhak-ake, sakliyane iku uga model desain, riset pasar, lan neka-ake tekhnologi nganti back up biaya kang dibutuhke”, kandhane.

DB

Related posts

Leave a Comment