Sekolah Pilot Banyuwangi mBuka Diklat Gratis kanggo Warga Kurang Mampu

sekolah pilot banyuwangi

sekolah pilot banyuwangi

BANYUWANGI, Detak Berita – Balai Pendidikan lan Pelatihan (BP2) Penerbang Banyuwangi bareng  Akademi Teknik lan Keselamatan Penerbangan (ATKP) Medan, mbuka kasempetan warga melu diklat ndaya-ake  rakyat. Iki kanggo warga kurang mampu, supaya duwe kasempetan nyambut gawe ing bandara.

“Kita pingin warga ing sacedhake sekolah pilot ngrasak-ake gunane anane kita. Bareng karo  BP2 Penerbang Banyuwangi, warga kurang mampu, kita ajari supaya duwe kasempetan  nyambut gawe ing Bandara,” kandhane Rajoki Aritonang, Direktur Akademi Teknik lan Keselamatan Penerbangan (ATKP) Medan, sarampunge meriksa kagiatan panriman siswa diklat, Rabu (7/2/2018).

Kagiatan kang didadek-ake siji ing BP2 Penerbang Banyuwangi iki, kandhane Rajoki, mengkone arep nrima kira-kira 100 uwong. Iku kadum sajroning diklat PK-PPK (Pemadam Kebakaran, Petugas Keselamatan Penerbangan) kanthi kuota 40 siswa, Aviation security (AVSEC) 40 siswa lan Marshalling 20 siswa.

“Lan kabeh gratis tanpa ana biaya. Kabeh dadi siji ing Banyuwangi. Sawise iku, para lulusan kang wis nrima license mengko arep diparak-ake supaya oleh nyambut gawe  ing sawetara bandara,” tambah-e.

Sauntara Kepala BP2 Penerbang Banyuwangi, Afen Sena kandha, kagiatan ndaya-ake rakyat kang dileksana-ake ing BP2 Penerbang Banyuwangi dadi kagiatan diklat bareng karo  ATKP Medan.

“Kerja bareng iki mesthine dadi  pilihan kita sajroning mbangun negeri. Saiki kita sasar warga cedhak kang mesthine kurang mampu. Iki supaya bisa ngangkat derajat rakyat,” kandhane.

Kanggo daftar, tambah Afen, warga bisa langsung teka menyang BP2 Penerbang Banyuwangi. “Mesthine kanthi nggawa syarat kang cocok,” tambah-e.

Sauntara sajroning  pamriksan kagiatan daftar iku, uga digelar pamenehan Warga Kehormatan penerbang BP2 Penerbang Banyuwangi nalika Night Flight Inaguration marang tamu undangan kang teka. Pamenehan iku  dhiserahke marang Rajoki Aritonang Direktur Teknik Atkp Medan, Danlanal Banyuwangi Letkol Laut (P) Suhartaya lan Kepala Bandara Banyuwangi, Dodi Dharma Cahyadi.

Pamenehan iku diweneh-ake sawise ngleksana-ake 1 jam penerbangan kanthi nganggo pesawat latih sayap tetep type Cessna 172 SP.

DB

Related posts

Leave a Comment