Sawise Anyaran Taun, Rega Lombok lan Brambang Mundhak

cabai rawit 2018

cabai rawit 2018

JAKARTA, Detak Berita – Sawise natal lan anyaran taun 2018 rena-rena kabutuhan pokok ngalami undhakan rega kaya pitik, sayuran, lombok lan beras.

Miturut pangamatan, rega lombok ing Pasar Rumput, Jakarta Selatan ngalami undhakan. Lombok abang keriting kang sadurunge didol rega Rp 35 ewu sak kilo, mundhak dadi Rp 40 ewu sawise anyaran taun.

Sauntara iku kanggo lombok rawit jawa kang sadurunge regane Rp 55 ewu sak kilo-ne ngalami undhakan dadi Rp 60 ewu sak kilo. Rena lombok dhewe-dhewe iku ngalami undhakan gedhene Rp 5 ewu.

Salah siji bakul lombok ing Pasar Rumput kandha, rega lombok terus mundhak. Nanging mengkono, undhakan rega lombok ora langsung nyuda daya tukon kanthi ana artine.

“Rega lombok saiki mundhak terus,nanging tetep ana kang tuku”, kandhane, ing Pasar Rumput Jakarta, Rabu, 3 Januari 2018.

Sauntara iku rega brambang saiki durung stabil. Miturut salah siji bakul, brambang kang sadurunge didol rega Rp 25 ewu sak kilo sawise anyaran taun ngalami mudhunan ing angka Rp 23 ewu.

Nanging, walikane,  bakul kang uga adol brambang kandha rega brambang saiki Rp 28 ewu. Rega iku ngalami undhakan kang sadurunge Rp 24 ewu.

“Aku ora weruh kenapa mundhak, aku tuku saka kanane semono ya dak dol-e uga semono”, kandhane.

Ing sisih liya rega bawang stabil ing angka Rp 25 ewu sak kilo lan bawang bombay Rp 18 ewu sak kilo.

Kanggo rega sayuran ijo uga ngalami undhakan, saka rega kang sadurunge Rp 7 ewu, saiki dadi Rp 8 ewu.

Saka informasi ing situs resmi info pangan DKI Jakarta, rega brambang ora stabil ing sak bagian pasar. Sauntara rega lombok mundhak.

Rega brambang ing Pasar Glodok umpamane, kecathet rega ing angka Rp 35 ewu sak kilo lan lombok abang keriting Rp 45 ewu sak kilo.

Sauntara ing Pasar Kramat Jati lan Pasar Senen rega lombok abang keriting ana ing rega Rp 40 ewu sak kilo, rega brambang gedhene Rp 30 ewu sak kilo lan bawang ing rega Rp 25 ewu – Rp 30 ewu sak kilo.

DB

Related posts

Leave a Comment